ដំបូន្មាន និងគន្លឹះជោគជ័យ​​សម្រាប់សិស្សត្រៀម​ប្រឡងបាក់ ថ្ងៃទី២០ ខែសីហា ឆ្នាំ​២០១៨

១.#តាមដានព័ត៌មាននានាដែលទាក់ទងនឹងការប្រកាសជ្រើសរើស
-អ្នកអាចស្វែងរកដំណឹងប្រកាសនេះនៅតាមក្រសួង ឬស្ថាប័ននានា ដែលជាទូទៅគេបិទនៅក្តាខៀនព័ត៌មាន របស់ក្រសួងនីមួយៗ ឬ ទំព័រហ្វេសប៊ុកក្រសួងមុខងារសាធារណៈ ឬតាមទំព័រ ហ្វេសប៊ុកក្រសួងទាំងនោះ
-តាមដានគេហទំព័រ របស់ក្រសួងនានា (ជាទូទៅ គេប្រកាសរើសចាប់ពីដើមខែមីនាឆ្នាំដល់ចុងខែតុលា)
-សាកសួរព័ត៌មានពីអ្នកដែលយើងស្គាល់ស្គាល់ ឬអ្នកដែលធ្វើការនៅក្រសួងទាំងនោះ
-តាមដានគម្រោងជ្រើសរើសមន្រ្តីរាជការប្រចាំឆ្នាំដែលផ្សព្វផ្សាយដោយក្រសួងមុខងារសាធារណៈ ដែលមានបង្ហាញពីខែដែលក្រសួងនីមួយៗជ្រើសរើស ចំនួនមន្រ្តីដែលត្រូវជ្រើសរើស

-ក្របខណ្ឌប្រឡងជាទូទៅមាន "ក" និង "ខ" ដែល "ក" សម្រាប់អ្នកមានសញ្ញាបត្របរិញ្ញាបត្រឡើងទៅ "ខ" សម្រាប់អ្នកមានបរិញ្ញាបត្ររង ឬកំពុងរៀនចាប់ពីឆ្នាំទី២ឡើងទៅ(ត្រូវបញ្ញាក់ពីសាលា)
-អាយុអ្នកអាចប្រឡងបានហើយឬនៅ? (មានបរិញ្ញាបត្រ អាយុតិចជាង ៣៥ឆ្នាំទើបមានសិទ្ធិដាក់ពាក្យប្រឡងយកក្របខណ្ឌ "ក"បាន)
-ជំនាញរបស់អ្នក(សញ្ញាបត្រ) អាចដាក់ប្រឡងក្រសួងទាំងនោះបានឬទេ?

២.#រៀបចំឯកសារឲ្យបានគ្រប់គ្រាន់និងទាន់ពេលវេលា
-ទៅរកទិញពាក្យសុំសិទ្ធិប្រឡងឲ្យកាន់តែលឿនកាន់តែល្អ (សួរគេថាតម្រូវការភ្ជាប់ឯកសារអ្វីខ្លះ?)
-ក្រសួងមួយចំនួនដាក់ឲ្យទាញយកពាក្យសុំសិទ្ធិប្រឡងដោយឥតគិតថ្លៃ
-ត្រូវប្រាកដថា អ្នកមានឯកសារគ្រប់គ្រាន់តាមតម្រូវការរបស់ក្រសួងនានា ដែលគេត្រូវការ(ពេលដាក់ពាក្យ)
-បញ្ជាក់ឯកសារ សញ្ញាបត្រ ឯកសារពាក់ព័ន្ធ (តាមខណ្ឌ ឬច្រកចេញចូលតែមួយ) ឲ្យបានរួចរាល់
-ឯកសារសំខាន់ (សំបុត្រកំណើត សៀវភៅគ្រួសារ សៀវភៅស្នាក់នៅ អត្តសញ្ញាណបណ្ណសញ្ញាតិខ្មែរ រូបថត 4*6) ដែលត្រូវបញ្ជាក់ ឬចម្លង ដោយមានត្រាទទួលស្គាល់ដោយអាជ្ញាធរ (បើមានបញ្ហាខុសឈ្មោះ ខុសថ្ងៃខែឆ្នាំកំណើត ខុសសៀវភៅគ្រួសារ ឬសៀវភៅស្នាក់នៅ អត្តសញ្ញាណបណ្ណ ត្រូវរៀបចំកែឲ្យបានមុន(ទាក់ទងភូមិឃុំដែលយើងរស់នៅ) ជៀសវាងខកខានមិនអាចដាក់ពាក្យប្រឡងបាន)

៣.#តាមដានការវិវត្តន៍នៃដំណើរការប្រឡង
-ត្រូវដឹងច្បាស់ថាគេប្រឡងថ្ងៃណា នៅមណ្ឌលណា?
-ជួនកាល ការប្រឡងនឹងត្រូវពន្យា ឬលើកថ្ងៃ ហើយយើងត្រូវប្រាកដថាដឹងអំពីព័ត៌មាននេះ

៤.#វិញ្ញាសាដែលត្រូវប្រឡង
-ត្រូវដឹងច្បាស់ថា គេប្រឡងមុខវិជ្ជាអ្វីខ្លះ? (ជំនាញឯកទេស វប្បធម៌ទូទៅ អង់គ្លេស/បារាំង ...)
ឧ. អគ្គនាយកដ្ឋានពន្ធដារ គេប្រឡងលើមុខវិជ្ជា៖ សេដ្ឋកិច្ច-ហិរញ្ញវត្ថុ(១០០ពិន្ទុ) ពន្ធដារ(១០០ពិន្ទុ) គណនេយ្យ(១០០ពិន្ទុ) កុំព្យូទ័រ(៥០ពិន្ទុ) និងអង់គ្លេស(៥០ពិន្ទុ)
ក្រសួងសេដ្ឋកិច្ច និងហិរញ្ញវត្ថុ គេប្រឡងលើមុខវិជ្ជា៖ សេដ្ឋកិច្ច-ហិរញ្ញវត្ថុ / សេដ្ឋកិច្ច-គណនេយ្យ និងភាសាអង់គ្លេស ...

៥.#ត្រៀមឯកសារមេរៀនត្រៀមប្រឡង
ចំនុចនេះជាចំនុចសំខាន់ជាងគេ យើងត្រូវត្រៀមឯកសារមេរៀនដែលទាក់ទង ដើម្បីរៀនត្រៀមប្រលង។
-ស្វែងរក សាកសួរអ្នកដែលធ្លាប់ប្រលងឆ្នាំមុនៗ ថាគេចេញសំណួរបែបណា អ្វីខ្លះ? ដើម្បីងាយស្រួលត្រៀម ហើយមើលមេរៀនទាក់ទងនឹងចំនុច ដែលធ្លាប់ចេញទាំងនោះ
-ស្វែងរកឯកសារ វិញ្ញាសាប្រលងឆ្នាំមុនៗ តាមដែលអាចធ្វើបាន ព្រោះវាជាទុនសម្រាប់យើងត្រៀមមេរៀនឲ្យចំ
-ស្វែងយល់ពីក្រសួងដែលអ្នកដាក់ពាក្យប្រឡង ដោយស្វែងរកព័ត៌មាននានានៅលើគេហទំព័រ ឬហ្វេសប៊ុក
របស់ក្រសួងនោះ ព្រោះសំណួរខ្លះសួរទាក់ទងនឹង ក្រសួង (សកម្មភាពក្រសួង យុត្តិសាស្រ្តក្រសួង ...)
-ស្វែងយល់ពីសកម្មភាព សមទ្ធិផលដែលក្រសួងនោះបានធ្វើ(ចេញប្រឡងស្ទើរគ្រប់ក្រសួង)
-រម្លឹក "ភាសាអង់គ្លេស" ឲ្យបានច្រើនតាមដែលអាចធ្វើបាន(ធ្វើវិញ្ញាសា ភាសាអង់គ្លេស បានច្រើន នោះសង្ឃឹមជាប់ក៏ច្រើន) ភាគច្រើនចេញរបៀប TOEFL ឬសំណេរអង់គ្លេស ឬ បកប្រែ...
-វិញ្ញាសា "វប្បធម៌ទូទៅ" ជាទូទៅគេច្រើនសួរទាក់ទងនឹង រាជរដ្ឋាភិបាល យុត្តិសាស្រ្តចតុកោណ អភិបាលកិច្ចល្អ ... ស្វែងយល់បន្ថែមពី សកម្មភាពរបស់រដ្ឋាភិបាល...ព្រឹត្តិការណ៍សំខាន់ៗក្នុងប្រទេស...

៦.#តើគួរដាក់ខាងផ្នែកណាដែលមានភាគរយប្រឡងជាប់ខ្ពស់?
ចំនុចនេះគឺជាចំនុចសំខាន់ ដែលអ្នកត្រូវធ្វើការសម្រេចចិត្តឲ្យបានច្បាស់ ជៀសវាងការសោកស្តាយនៅពេលក្រោយ។
តើអ្នកត្រូវជ្រើសរើស ទីស្តីការក្រសួង? នាយកដ្ឋានណា? ការិយាល័យណា? មន្ទីរណា?... នៅអគ្គនាយកដ្ឋានក្រសួង ឬតាមបណ្តាសាខាខេត្ត?

ឧ. អ្នកចង់ប្រឡងចូល ពន្ធដារ ៖
តើអ្នកចង់ធ្វើនៅអគ្គនាយកដ្ឋានពន្ធដារ(ភ្នំពេញ)? សាខាពន្ធដារខណ្ឌ(ភ្នំពេញ)? សាខាពន្ធដារខេត្តណា?
តើអ្នកចង់ធ្វើការ(តាមជំនាញអ្នក?) នៅនាយកដ្ឋានមួយណា នៃអគ្គនាយកដ្ឋានពន្ធដារ?
តើអ្នកមានជំនឿចិត្តលើសមត្ថភាពរបស់អ្នកទេថាអ្នកប្រឡងជាប់? សង្ឃឹមប៉ុន្មានភាគរយ?

យោបល់ខ្ញុំ៖ នរណាក៏ចង់ចូលធ្វើការនៅអគ្គនាយដ្ឋានពន្ធដារ ជាងបណ្តាសាខាពន្ធដារខណ្ឌ សាខាពន្ធដារខេត្តដែរ ព្រោះទីនេះជាទីប្រមូលផ្តុំដោយអ្នកខ្លាំង អ្នកជំនាញ អ្នកផ្តល់ប្រឹក្សា អ្នកមានបទពិសោធន៍ការងាររាប់សិបឆ្នាំ... តែចំនុច ដែលប្រឈមនោះគឺ អ្នកពូកែៗគេនឹងដាក់ពាក្យប្រឡងមក អគ្គនាយកដ្ឋានពន្ធដារច្រើនជាងសាខាខណ្ឌ សាខាខេត្ត(គូប្រកួតប្រជែងច្រើនហើយសុទ្ធតែអ្នកខ្លាំងៗ) សមត្ថភាពអ្នកអាចប្រកួតប្រជែងជាមួយពួកគេទេ?

-បើអ្នកជាសិស្សពូកែ សិស្សឆ្នើម ដែលរៀនជំនាញ គណនេយ្យ សវនកម្ម ACCA(មកពីសាលា CamEd) ហើយពូកែអង់គ្លេស អ្នកប្រាកដជាជ្រើសរើស ដាក់ប្រឡងជ្រើសរើស នៅអគ្គនាយកដ្ឋានពន្ធដារពិតជាមិនខុសទេ។
-បើអ្នកមិនសូវទុកចិត្តលើសមត្ថភាពខ្លួន(អ្នកពូកែដែរតែមិនទុកចិត្ត) អ្នកគួរជ្រើសរើសដាក់ តាមសាខាពន្ធដារខណ្ឌ(ចង់ធ្វើនៅភ្នំពេញ) ឬសាខាពន្ធដារខេត្ត(បើអ្នកចង់ទៅខេត្តរបស់អ្នក) ព្រោះវាមានភាគរយជាប់ខ្ពស់ជាងដាក់នៅ អគ្គនាយកដ្ឋានពន្ធដារ
-បើសមត្ថភាពអ្នកនៅមានកម្រិត ដែលអ្នកគិតថាមិនអាចប្រកួតប្រជែងជាមួយអ្នកខ្លាំងៗខាងលើបាន អ្នកគួរដាក់ ទៅតាមសាខាពន្ធដារខេត្តរបស់អ្នក ព្រោះវាមានភាគរយជាប់ច្រើនជាង(អ្នកប្រកួតប្រជែងមានតិចជាង)

ចំពោះក្រសួងផ្សេងៗក្រៅពី ពន្ធដារ ខាងលើ ក៏អនុវត្តដូចគ្នាដែរ បើអ្នកប្រាកដថាពិតជាចង់បានភាគរយជាប់ខ្ពស់នោះ។
អ្នកខ្លះមានសញ្ញាបត្របរិញ្ញាបត្រ តែគេជ្រើសរើសប្រឡងយកក្របខណ្ឌ "ខ" វិញ ព្រោះគេគិតថាងាយនឹងប្រឡងជាប់ ឬមានអ្នកប្រកួតប្រជែងតិច ដែលមានអត្រាភាគរយជាប់ច្រើន។

៧.#ការសម្ភាសន៍
ក្រសួងខ្លះមិនទាមទារធ្វើសម្ភាសន៍ម្តងទៀតឡើយ បើបេក្ខជនប្រឡងសរសេរជាប់ គឺជាប់ហើយ តែក្រសួងមួយចំនួន គេត្រូវធ្វើការសម្ភាសន៍មួយដំណាក់កាលទៀត បន្ទាប់ពីប្រលងជាប់វិញ្ញាសាសរសេរ។
-ត្រូវស្វែងរកព័ត៌មានទាក់ទងនឹងការសម្ភាសន៍ ថាគេសម្ភាសន៍អំពីអ្វីខ្លះ?
-សួរអ្នកដែលធ្លាប់ប្រលងជាប់ឆ្នាំមុនៗ គឺជាទុនដ៏ប្រសើរបំផុត
-ជាទូទៅគេសួរពេលសម្ភាសន៍ នូវសំណួរមួយចំនួនដូចជា៖ តើហេតុអ្វីបានជាប្អូនចង់បម្រើការក្នុងក្រសួងនេះ? បើសិនជាប្អូនត្រូវបានជ្រើសរើសឲ្យជាប់ តើប្អូនមានការតាំងចិត្តអ្វីខ្លះដើម្បីបម្រើ ក្រសួង រដ្ឋ? ...
-ការសម្ភាសន៍ខ្លះ គណកម្មាសម្ភាសន៍ ឲ្យយើងចាប់យកសំណួរពីប្រអប់(ប្រអប់សំនួរមានសំនួរច្រើន ចាប់បានមួយណាឆ្លើយមួយណឹង) យើងត្រូវឆ្លើយដោយមាន រេផ្លិចខ្ពស់ ចំពោះសំណួរនោះ។ ឧ. ក្រសួងធនធានទឹក ឧត្តុនិយម៖ មានសំណួរខ្លះគេសួរបែប ចំណេះដឹងទូទៅ ដូចជា៖ តើអ្វីជាកូនរដូវប្រាំង វាកើតឡើងនៅខែណា? សំណួរខ្លះទាក់ទងនឹងភូមិវិទ្យា ជាដើម...

អ្នកត្រូវរៀបចំខ្លួនឲ្យបានល្អ ត្រូវមានទំនុកចិត្តលើខ្លួនឯង (Confident) ដោយបង្ហាញទឹកមុខញញឹម រីករាយនឹងការសម្ភាសន៍នេះ។

ដោយ៖ មន្រ្តីរាជការម្នាក់ (ប្រឡងជាប់បីក្រសួងក្នុងពេលតែមួយ)ដំបូន្មាន និងគន្លឹះជោគជ័យ​​សម្រាប់សិស្សម​ប្រឡងបាក់ឌុប ថ្ងៃទី២០ ខែសីហា ឆ្នាំ​២០១៨ នេះ

ដំបូន្មាន និងគន្លឹះជោគជ័យ​​សម្រាប់សិស្សត្រៀម​ប្រឡងបាក់ ថ្ងៃទី២០ ខែសីហា ឆ្នាំ​២០១៨