ស្ត្រីវ័យចំណាស់ម្នាក់បានដើរវង្វេងព្រៃ

លោកអើយម្តាយគេ

ខេត្តព្រះវិហារ ៖ ស្ត្រីវ័យចំណាស់ម្នាក់បានដើរវង្វេងព្រៃ ដាច់បាយបណ្ដាលឲ្យស្លាប់យ៉ាងអាណោចអាធម៌ នៅថ្ងៃទី០៣ ខែមេសា ឆ្នាំ២០១៨។

នគរបាលមូលដ្ឋានបានឲ្យដឹងថា ហេតុការណ៍នេះកើតឡើងនៅត្រង់ចំណុចចំការអំពៅការដ្ឋានទី៩ របស់ក្រុមហ៊ុនឡានហ្វេង ក្នុងភូមិសាស្ត្រភូមិស្រែព្រាង ឃុំប្រមេរុ ស្រុកត្បែងមានជ័យ ខេត្តព្រះវិហារ។

នគរបាលបានបន្តទៀតថាសាកសពដែលជាជនរងគ្រោះមានឈ្មោះ អ៊ិន យឿន ភេទស្រី អាយុ ៧៦ឆ្នាំ មុខរបរកសិករ រស់នៅភូមិពោធិ៍ខឿន ឃុំពោធិ៍ ស្រុកត្បែងមានជ័យ ខេត្តព្រះវិហារ ។

ក្រោយពីទទទួលបានព័ត៌មាននេះភ្លាមៗនគរបាលជំនាញបានចុះមកធ្វើកោសសល្យវិច័យ និងបានបញ្ជាក់ថាតាមការពិនិត្យសពពុំមានស្លាកស្នាមអ្វីឡើយគួរអោយកត់សម្គាល់ឡើយ ហើយសពត្រូវបានប្រគល់ជូនក្រុមគ្រួសារធ្វើបុណ្យតាមប្រពៃណី៕