សុវត្ថិភាពទេ? បើអ្នកជាស្ត្រីមានផ្ទៃពោះ សូមមើលនេះជាអ្វីដែលនឹងកើតឡើងចំពោះអ្នកពេលទទួលទានដូង

មែនហើយ! វាមានសុវត្ថិភាព ដែលទទួលទានទឹកដូង មិនថាទឹកដូងខ្ចី ទឹកដូងទុំ ឬប្រេងដូងនោះទេ ព្រោះទាំងអស់នេះវាសុទ្ធតែផ្តល់ប្រយោជន៍ទាំងអស់សម្រាប់ស្រ្តីមានផ្ទៃពោះ។

រយៈពេល៩ខែនៃការពពោះ ដូងគឺមានសុវត្ថិភាពបំផុតសម្រាប់ការទទួលទាន រាងកាយរបស់មាតា និងស្រូបយកសារធាតុចិញ្ចឹមទៅផ្តល់អោយទារក យ៉ាងល្អប្រសើរ។ សារធាតុចិញ្ចឹម ក្នុងទឹកដូង មានដូចជា កាឡូរី សូដ្យូម ប៉ូតាស្យូម សរសៃ Fiber និងកាល់ស្យូមជាដើម។

ទទួលទានដូង នឹងផ្តល់អោយស្ត្រីកំពុងពពោះ នូវប្រយោជន៍ទាំង១០យ៉ាងដូចជា៖

អភិវឌ្ឈខួរក្បាលទារក

ប្រេងដូងមានអាស៊ីតមធ្យម ដែលសំខាន់បំផុតសម្រាប់ការលូតលាស់ទារកក្នុងផ្ទៃ។ មិនតែប៉ុណ្ណោះវាជួយដល់ ការលូតលាស់ទាំងផ្នែកសុខភាព​ និងរាងកាយ ជាពិសេសនៅ សប្តាហ៍ចុងក្រោយមុនសម្រាល និងរយៈពេល២ឆ្នាំ ដែលកុមារកំពុងលូតលាស់។

ផ្តល់ថាមពលបានយូរ

ប្រេងដូងមានភាពពិសេសរបស់វា។ វាអាចផ្តល់នូវថាមពល យ៉ាងឆាប់រហ័ស និងងាយស្រួល ដល់រាងកាយ ពេលអ្នកនឿយហត់អស់កម្លាំង។

រក្សាតុល្យភាពជាតិស្ករក្នុងឈាម

ដោយសារដូង មិនមានជាតិស្ករខ្ពស់ អញ្ចឹងវាមិនប៉ះពាល់ដល់កម្រិតជាតិស្ករ ក្នុងឈាមដែរពេលទទួលទាន។ មិនតែប៉ុណ្ណោះវានៅជួយ​រក្សាតុល្យភាពជាតិស្ករក្នុងឈាម និងបង្ការលក្ខខណ្ឌដែលនាំអោយមានជំងឺទឹកនោមផ្អែមថែមទៀត។

កាត់បន្ថយអាការៈចាញ់

ទទួលទានដូង ជួយរក្សាកម្រិតជាតិស្ករ ផ្តល់ថាមពល និងជាពិសេសវាជួយកាត់បន្ថយអាការចាញ់កូនរបស់អ្នកម្តាយទាំងឡាយ យ៉ាងល្អតែម្តង ដូចជាអាការៈវិលមុខ ក្អួតចង្អោរជាដើម។

គ្រប់គ្រងការឡើងទម្ងន់

ភាគច្រើន ស្ត្រីកំពុងពរពោះ តែងឡើងទម្ងន់ ដោយគ្រប់គ្រងមិនបាន។ វាជារឿងសំខាន់បំផុត ដែលអ្នកម្តាយត្រូវរក្សាសុខភាព និងទម្ងន់ខ្លួន។ ស្តី្រមានផ្ទៃពោះសុទ្ធតែចង់ជៀសវាងការឡើងទម្ងន់ដែលមិនល្អចំពោះសុខភាព អញ្ចឹង ដូងវាពិតជាជួយបាន ដោយរក្សាទម្ងន់ខ្លួនរបស់អ្នក ព្រមទាំងកាត់បន្ថយ ភាគរយនៃការឡើងទម្ងន់ឥតឈប់ថែមទៀត។

បង្ការការកើតជម្ងឺផ្សិត

ដូងមានអាស៊ីតឡូរីក ដែលជួយកម្ចាត់មេរោគដែលនាំអោយកើត ឬ រីករាលដាលនៃជម្ងឺផ្សិត ជាពិសេសកំឡុងការមានផ្ទៃពោះ។

រក្សាតុល្យភាពអ័រម៉ូន

ដូង ក៏មានអាមីណូអាស៊ីត វីតាមីន និងសារធាតុរ៉ែ មួយចំនួន ដែលជួយ រក្សាតុល្យភាពអ័រម៉ូន និងរក្សាសុខភាពរាងកាយបានល្អ ជាពិសេសកំឡុងពេលជិតសម្រាល និងទើបតែសម្រាលរួច។

រក្សាសុខភាពបេះដូង

ទទួលទានទឹកដូង គឺមានសារធាតុល្អជាច្រើន ដែលរក្សាសំពាធឈាម។ វាក៏ បង្កើនជាតិខ្លាញ់ល្អ បំបាត់ជាតិខ្លាញ់អាក្រក់។ បន្ថែមពីនេះវីតាមីន និងសារធាតុរ៉ែល្អៗក្នុងទឹកដូង ក៏ជួយជំរុញដំណើរការសរសៃឈាមដែរ។ ប្រសិនបើកំពុងមានបញ្ហាសម្ពាធឈាម សូមទទួលទានទឹកដូង១កែវក្នុង១ថ្ងៃ គឺពិតជាប្រពៃសម្រាប់អ្នក។

ទប់ស្កាត់ការចុកឆ្អល់ និង ទល់លាមក

ជាទូទៅបញ្ហាសុខភាពផ្សេងៗតែងកើតមានដល់អ្នកម្តាយដែលកំពុងពរពោះ ដូចជា  ការចុកឆ្អល់ និង ទល់លាមក។ ដោយសារទឹកដូង មានជាតិសរសៃ Fiber ច្រើន អញ្ចឹង វាពិតជាកាត់បន្ថយអាការៈទាំងនោះ ហើយវាក៏ជួយរក្សាកម្រិត pH របស់រាងកាយផងដែរ។

បង្កើនកម្រិតទឹកភ្លោះ

ការទទួលទានទឹកដូង គឺជាពិតជាជួយរក្សាគភ បានយ៉ាងល្អ ជាពិសេស រក្សាកម្រិតឈាម ការរត់របស់ឈាម និងជាពិសេស បង្កើនកម្រិតទឹកភ្លោះ ដែលចាំបាច់សម្រាប់ការត្រៀមសម្រាល។

កំឡុងពេលមានផ្ទៃពោះ ស្ត្រីមានប្រព័ន្ធការពាររាងកាយខ្សោយ អញ្ចឹងប្រេងដូង គឺនឹងការពាររាងកាយ របស់អ្នក និងជួយអ្នកយ៉ាងប្រាកដក្នុងការរក្សាសុខភាពអោយបានរឹងមាំ។

ផលិតផលអាហារដែលផ្សំពី ដូង គឺមានច្រើនទម្រង់ ប៉ុន្តែ ដែលល្អបំផុត គឺការទទួលដូងស្រស់តែម្តង ទើបផ្តល់អត្ថប្រយោជន៍ បានច្រើនក្រាស់ក្រែល ជាងផលិតផលកែច្នៃ។ ដូចនេះ អ្នកម្តាយទាំងឡាយ សូមឧស្សាហ៍ទទួលដូងអោយបានញឹកញាប់ដើម្បីសុខភាពល្អទាំងខ្លួនអ្នក និង បុត្រជាទីស្រឡាញ់របស់អ្នក៕